वात्सल्य गोमाता अभियान २०१० पासून वाढत्या आधुनिक कारणामुळे वात्सल्य संस्थेचे हे लक्षात आले की शेती व शेतकरी अधुनिकीकरणाकडे चालला आहे. ही चांगली गोष्ट आहे. त्यामुळे बैलाची जागा ट्रॅक्टरने घेतली आहे. विविध नवनवीन शेती अवजारांची निर्मिती झाली आहे. बैलाची संख्या कमी होत चालल्यामुळे देशी गोवंशाच्या प्रजननासाठी बैलांची कमतरता निर्माण होईल. त्यामुळे मुळ देशी गाईची संख्या कमी होईल आणि असेच चालू राहिल्यास एक दिवस या पृथ्वीवरील देशी गाईची प्रजाती नष्ट होऊन जाईल व देशी गाईचे प्रमाण कमी होऊन चालणार नाही. हे संस्थेच्या लक्षात आले. व म्हणून संस्थेने भविष्यातील संकटाचा विचार करुन वात्सल्य गोमाता अभियान राबविण्याचा प्रामाणिक व नि:स्वार्थ भावनेने प्रयत्न सुरु केला आहे.